About

Litir + Hlaup = Hátíð!

Okkar markmið er að The Color Run færi fólk saman og geri heiminn hamingjusamari. Við köllum The Color Run hamingjusamasta hlaup í heimi vegna þess að hlaupið okkar færir saman vini og vandamenn í einstaka skemmtun og hátíð. Við setjum hamingjuna í forgrunn. Lífið snýst um ánægju og að líða vel. Þess vegna skal The Color Run vera hamingjusamasta hlaupið á jörðinni.

Þetta snýst ekki um að hlaupa 5 kílómetra á sem skemmstum tíma heldur að hlaupa á þeim hraða og tíma sem þér finnst hæfilegt og gaman. The Color Run er nefnilega ekki kapphlaup heldur hlaup þar sem þúsundir þátttakenda skemmta sér konunglega á meðan þeir verða hjúpaðir lit frá toppi til táar. Í lok hvers kílómetra er hlaupið í gegnum litastöð með tónlist, skemmtun og nýjum lit og við endamarkið keyrir allt um koll með risavaxinni endamarkshátíð þar sem litadýrðin verður gerð ógleymanleg upplifun. Þetta verða hamingjusömustu og skemmtilegustu 5 kílómetrar sumarsins!

The Color Run er fyrir alla, konur með hár og kalla með skalla, allt frá 2ja ára til 80 ára (jafnvel 102 ára). Sumir hlaupa til að koma í gang betri lífsstíl á skemmtilegan hátt á meðan aðrir hlaupa bara til að skemmta sér með vinum sínum. Þátttakendur geta hlaupið einir sér eða í smærri hópum og sumir hlaupa með ákveðinn tilgang. Hvort sem þú ert gamall brokkari eða afreksíþróttamaður þá mun The Color Run verða eftirminnilegustu og litríkustu 5km í þínu lífi!

Svona fer hlaupið fram

Sem litahlaupari í The Color Run verður þú, ásamt þúsundum annarra þátttakenda, lituð/aður frá toppi til táar við hvern kílómetra sem þú klárar. Í hverju litahliði verður tekið á móti þér með tónlist, skemmtun og nýjum lit.

Þetta snýst ekki um að klára hlaupið á sem skemmstum tíma heldur að hafa gaman og njóta þess að taka þátt. Það mun enginn vinna hlaupið því það er engin tímataka. Þvert á móti hvetjum við alla til að taka sér tíma í að fara í gegnum alla litabrautina og njóta upplifunarinnar.

Með aðeins tvær leikreglur geta allir verið með í The Color Run:

     1. Þú skalt vera í hvítum bol þegar þú byrjar!

     2. Þú verður litabomba þegar þú kemur í endamarkið!

Við endamarkið verður síðan epískt litapartý, skemmtidagskrá, stuð og stemning fyrir framan sviðið.

Látum gott af okkur leiða

The Color Run hefur styrkt góðgerðarfélög og yngri flokka íþróttafélaga á landinu um meira en 20 milljónir frá því fyrsta litahlaupið fór fram á Íslandi árið 2015. Þrátt fyrir að vera ekki góðgerðarhlaup þá fagnar The Color Run tækifærum til að láta gott af sér leiða með því að standa við bakið á félögum sem efla hreyfingu unglinga og láta sig varða réttindi barna.

Sagan

Hlauptu og skemmtu þér í gegnum 5 km langa litapúðurssprengju! The Color Run er ekkert venjulegt hlaup heldur er upplifun og skemmtun þátttakenda höfð í fyrirrúmi. Eitt er víst. Þú byrjar hlaupið í hvítu og endar í öllum regnbogans litum.

The Color Run var fyrsta litahlaupið í heiminum og var fyrst hlaupið árið 2012 í Phoenix, Arizona og var það Bandaríkjamaðurinn Travis Snyder sem kom þessu hlaupi á laggirnar til að hvetja bæði atvinnu- og áhugahlaupara til að hlaupa saman til gamans. Hlaupið hefur farið sigurför um heiminn því um er að ræða einstakan fjölskylduviðburð sem haldinn hefur verið í meira en 40 löndum og meira en sex milljónir manna hafa tekið þátt. Í dag er þetta stærsta viðburðaröð í heimi og er The Color Run orðið tröllvaxinn viðburður.

Litahlaupið hefur verið haldið árlega fyrsta laugardag júnímánaðar síðan fyrsta hlaupið fór fram þann 6. júní 2015. The Color Run á Íslandi verður því 5 ára þegar haldið verður upp á afmælið með pompi og pragt laugardaginn 1. júní 2019.

Á hverju ári er ákveðið þema í litahlaupinu. Árið 2015 var þemað Shine, 2016 var það Tropicolor, 2017 var það Dream og 2018 var það Hero Tour. Árið 2019 kemur Love Tour til Íslands.

Samstarfsaðilar