Reykjavik
september 5
  |  
Laugardalur

Miðar

Stakur miði Participant Kit
  • Bolur
  • Litapoki
  • Hlaupanúmer

Stakur miði

Klár í slaginn - 4.000 kr. til 6. júlí

Kaupa miða
Fjölskyldupakki Participant Kit
  • 4 bolir
  • 4 litapokar
  • 4 hlaupanúmer

Fjölskyldupakki

4 miðar í pakka - 14.000 kr. til 6. júlí

Kaupa miða

Nánari upplýsingar

Afhending gagna

Afhending gagna

Viðburður

Viðburður

Samgöngur

Samgöngur

Spurt og svarað

Spurt og svarað

Afhending gagna

CHECK IN

The Color Run búðin

Afhending gagna

Afhending gagna fer fram í vikunni fyrir viðburð, frá miðvikudegi til föstudags. Staðsetning og opnunartími auglýstur síðar.

Time Icon

september 1, 2020
10:00 AM

Time Icon

Nánar síðar

Hlaupagögn á viðburðardegi

Þeir sem ekki eiga þess kost að sækja eða láta sækja fyrir sig hlaupagögn dagana fyrir hlaup geta sótt hlaupagögn sín á viðburðarsvæðinu í Laugardalnum frá kl. 09.00 á viðburðardegi. Við mælum eindregið með því að hlaupagögn séu sótt áður en mætt er í hlaupið.

Time Icon

september 5
10:00 AM

Time Icon


Reykjavík, 108

Við verðum með fullt af litríkum og skemmtilegum vörum til sölu í litlu gleðibúðinni okkar þar sem hlaupagögn verða sótt og á viðburðarsvæðinu í Laugardalnum á hlaupadag. Staðsetning búðar og opnunartími verður auglýst síðar en þar ættu allir að finna eitthvað til að gera daginn enn skemmtilegri.

Meðal þess sem verður í boði eru sokkar, tutu pils, gleraugu, derhúfur, bakpokar, armbönd, ennisbönd, buff og margt margt fleira, og að sjálfsögðu litapokar í með litapúðri í öllum regnbogans litum.

Viðburður

RACE DAY

5 september

Time Icon

september 5
09:00 AM - 14:00 PM

Time Icon


Reykjavík 108

Aðal viðburðarsvæðið verður á grasinu við Suðurlandsbraut til móts við Glæsibæ, sunnan við Húsdýragarðinn.

Dagskrá The Color Run 2020

09.00 Laugardalurinn opnar
09.30 Upphitun hefst á sviði
10.45 Opnað í startrennunna
11.00 Fyrsti ráshópur fer af stað og svo 3-500 manns á 2-3 mín fresti
11.45 Síðasti ráshópur fer af stað (áætlað)
12.30 Eftirpartý hefst við sviðið með litabombum á ca. 10 mínútna fresti
14.00 Áætluð lok

Ræst er út frá aðalsvæðinu og hlaupið á göngu- og hjólastígum meðfram Suðurlandsbrautinni til móts við Reykjaveg og beygt til hægri samhliða Reykjavegi í átt að Laugardalsvelli þar sem fyrsta litahlið hlaupsins er staðsett. Því næst er hlaupið meðfram Þróttaraheimilinu og beygt til vinstri í átt að Þvottalaugunum í Laugardal í litla slaufu áður en komið er að öðru litahliði hlaupsins sem staðsett er á stígnum ofan við Þvottalaugarnar og því næst hlaupið umhverfis Grasagarðinn í átt að Holtavegi. Þegar komið er til móts við hús KFUM og KFUK er beygt til hægri umhverfis Húsdýragarðinn og er þriðja litahlið hlaupsins til móts við TBR heimilið. Við Engjaveg er beygt til hægri og hlaupið aftur inn í átt að Grasagarðinum meðfram Húsdýragarðinum og er fjórða litahliðið staðsett á sama stað og annað litahliðið, við Þvottalaugarnar. Þaðan er farið eftir stuttum stíg upp á Engjaveg sem hlaupinn er til austurs, framhjá Skautahöllinni í átt að aðalsvæðinu þar sem fimmta og síðasta litahlið hlaupsins verður við endamarkið.

Hlaupaleiðina má sjá myndrænt á meðfylgjandi korti þar sem einnig má sjá litastöðvar hlaupsins.

Course Map
Samgöngur

PARKING

Samgöngur

Bílastæði

Helstu bílastæði:

  • Við Suðurlandsbraut, Ármúla og bílastæðahúsið við Glæsibæ
  • Fjöldi bílastæða í Skeifunni
  • Bílastæði við KFUM og Langholtsskóla við Holtaveg
  • Bílastæði við Laugardalsvöll

Þátttakendur eru beðnir um að leggja ekki bílum við fjölbýlishúsin við Álfheima og nærliggjandi götur, sem og bílastæði fyrir framan opnar verslanir og veitingastæði, t.d. fyrir framan Glæsibæ.

 

Strætó

Leiðir 2, 5, 14 og 15 stoppa allar nálægt viðburðarsvæðinu. Nálægasta stoppistöðin er við Orkuhúsið á Suðurlandsbraut.

  • Leið 2, 5 og 15 stoppa við Orkuhúsið á Suðurlandsbraut og leið 14 stoppar á Grensásvegi og í Gnoðavogi.

 

Hjól

Þátttakendur eru að sjálfsögðu hvattir til að hjóla í The Color Run enda varla til betri leið til að hita upp fyrir skokkið.

 

 

Spurt og svarað

FAQ

Spurt og svarað

ÞARF ÉG AÐ VERA HLAUPARI MEÐ STÓRU H-I TIL AÐ TAKA ÞÁTT?

Engan veginn. Nei. Það eru mörg önnur 5km hlaup sem þú getur farið í til að reyna á getu og úthald. The Color Run snýst um að eiga litríkan og skemmtilegan dag með vinum og vandamönnum. Þú getur hlaupið, gengið, skriðið eða búið til vindmyllur alla leiðina ef þú vilt.

HVAÐ FÆ ÉG MEÐ MIÐANUM Í HLAUPIÐ?

Fyrir utan að fá þátttökurétt í skemmtilegasta hlaupi ársins færðu hlaupabol, litapoka, hlaupanúmer og ýmislegt annað skemmtilegt þegar þú nærð í hlaupagögnin. Athugaðu að hlaupagögnin verða ekki send til þín heldur nærð þú í þau þegar nær dregur hlaupi.

ÉG ER MEÐ FYRIRSPURN VEGNA MIÐAKAUPANA, HVERN Á ÉG AÐ TALA VIÐ?

Sendu línu eða hringdu í tix.is, þau eru með 100% svör fyrir þig. Sendu póst á info@tix.is eða hringdu í 551 3800.

ER THE COLOR RUN GÓÐGERÐARFÉLAG?

The Color Run er viðburðafyrirtæki en þrátt fyrir að hlaupið sé ekki góðgerðarhlaup sem slíkt hefur The Color Run látið gott af sér leiða til samfélagsins með 16 milljón króna stuðningi á árunum 2015 til 2017 til UNICEF, Rauða krossins, Íþróttasambands fatlaðra, Reykjadalsverkefni Styrktarfélags lamaðra og fatlaðra, Barnaheilla, Vímulausrar æsku, Vinakots og Hetjanna. Öll þessi félög láta sig varða réttindi og velferð barna.

HVAÐAN KEMUR HUGMYNDIN AÐ THE COLOR RUN?

The Color Run er fyrsta hlaupið af sínu tagi og kemur innblásturinn víðsvegar frá frábærum viðburðum á borð við World of Color hjá Disney og hátíðum um allan heim, til að mynda Holi hátíðina indversku. The Color Run er til vegna þess að hlaup þurfa ekki alltaf að snúast um keppni eða árangur. Við viljum skemmta okkur á meðan við hlaupum.

MÁ ÉG HLAUPA MEÐ BARNAVAGN OG BÖRNIN MÍN?

Já mikil ósköp. Og ekki nóg með það. Börn fædd 2012 (8 ára) og yngri fá frítt í fylgd með fullorðnum. Þetta er fjölskylduskemmtun eins og hún gerist best og viljum við endilega sjá alla fjölskylduna eiga glaðan dag með okkur.

MÁ ÉG TAKA HUNDINN MINN MEÐ?

Nei, því miður er ekki leyfilegt að hlaupa með hund í The Color Run. Það eru margar augljósar ástæður fyrir því ;o)

HJÓL EÐA HLAUPAHJÓL?

Hjól, hlaupahjól, hjólabretti, hjólaskautar og allt slíkt er ekki leyfilegt í hlaupinu vegna mögulegrar slysahættu.

ERU EINHVER ALDURSTAKMÖRK FYRIR ÞÁTTTÖKU?

Alls engin aldursmörk. Á meðan þú treystir þér til að leggja að baki 5km, hvernig sem þú gerir það, þá ertu klár í The Color Run. Munið að börn 8 ára og yngir hlaupa frítt í fylgd forráðamanna. Miðað er við fæðingarárið.

HVERSU STRANGAR ERU REGLURNAR AÐ HLAUPA AF STAÐ Í HVÍTU?

Það fylgir hvítur bolur þínum miða og það eiga allir að mæta í bolnum með hlaupanúmerið framan á. Það er aðgöngumiðinn í hlaupið. Þú mætir í hvíta bolnum og upplifir litagleðina eins og hún best verður. The Color Run snýst um að skemmta sér.

HVERNIG VERÐUR ÞESSU STJÓRNAÐ MEÐ LITINA? ÞARF ÉG AÐ HAFA ÁHYGGJUR AF ÞVÍ?

Nei, það er sko engar áhyggjur að hafa. Þetta er eins og að vera í matarslag með maízenamjöli. Litapúðrið er gert úr kornsterkju, sem við þekkjum betur sem maízenamjöl, þannig að það er ekkert að óttast varðandi það að vera löðrandi í litapúðri. Að sjálfsögðu ráðleggjum við fólki að loka augunum þegar litabomban kemur en þetta er óskaðlegt og hefur verið vottað sem slíkt. Sólgleraugu eru hins vegar mjög góður kostur og hvetjum við alla til að hlaupa með slík. Á staðnum verður hægt að versla svölustu sólgleraugu í heimi.

HVERNIG VERÐA LITASPRENGINGARNAR EFTIR HLAUPIÐ?

Við endamarkið í lok hlaups munu þátttakendur sjá sjálfir um litakastið, til dæmis þegar hlauparar koma í mark. Þú færð einn litapoka með þátttökunúmerinu og hægt er að kaupa fleiri poka á staðnum við endamarkið þannig að þú getur baðað þig og þína í litum í lok hlaups.

VEITIR MIÐINN AÐGANG AÐ EFTIRPARTÝI THE COLOR RUN VIÐ ENDAMARKIÐ?

Að sjálfsögðu. Við trúum því ekki að þú hafir virkilega verið með þessa spurningu ofarlega á baugi. Ekki gera ráð fyrir að fara beint heim eftir hlaupið. Það verður stuð í lok hlaups.

GET ÉG FENGIÐ MIÐANN MINN ENDURGREIDDAN?

Miðar eru ekki endurgreiddir en ef þú kemst ekki í hlaupið er þér velkomið að gefa einhverjum miðann þinn.

HVAÐ GERIST EFTIR THE COLOR RUN HLAUPIÐ?

Þú hefur lokið við hamingjusömustu 5km lífs þíns. Til hamingju! Þú þarft á hvíld að halda en samt ekki alveg strax. Taktu nokkrar mínútur í að skola litinn af þér og fötunum þínum. Dustaðu þurrt púður eins vel og þú getur. Notaðu vindvélarnar við endamarkið, þær hjálpa.

Liturinn fer ekki 100% úr hvíta bolnum sem við látum þig fá en það er með ráðum gert því liturinn á að minna þig á þennan dag um ókomna tíð. Dustið laust litapúður af áður en þú setur í þvottinn og þvoið fötin sem þið notuðuð í hlaupinu aðskilið frá öðrum þvotti og notið kalt vatn. Í hvert sinn sem þú lítur niður á skóna og sérð glitta í litablett getur þú hugsað til baka og rifjað upp The Color Run hlaupið og þá færist bros á vör. Á endanum mun allur liturinn hverfa, þangað til að ári…

Ef þú ert með ljóst eða aflitað hár þá er góð hugmynd að hlaupa með buff eða setja hárið í tagl. Ef mikið púður er í hárinu er best að skola það fyrst með köldu vatni. Eftir það skaltu þvo hárið eins og þú gerir vanalega. Það má vera að einhverjar litarleifar verði eftir fyrstu skolun en liturinn ætti að vera alveg farinn eftir 2-3 hárþvotta. Þeir sem vilja vera alveg 100% öruggir geta gripið í gömul húsráð og sett smá olíu í hárið fyrir hlaup. Það hindrar í raun allt frá því að festast í hári. Kókoshnetuolía eða ólífuolía virka best.

ER LITAPÚÐRIÐ SKAÐLEGT AUGUM OG ÖNDUNARFÆRUM?

Litapúðrið er það sama og í öðrum The Color Run hlaupum víðsvegar um heiminn og hefur það verið prófað og rannsakað af óháðum aðilum. Púðrið, sem unnið er úr 100% náttúrulegu maísmjöli og mikið notað í unnum matvörum, er hvorki skaðlegt húð né umhverfi samkvæmt niðurstöðum greininga. Litarefnin eru viðurkennd í matvæla, lyfja og snyrtivöruiðnaði sem þýðir að þau hafa verið prófuð og staðfest að þau uppfylli skilyrði sem gerð eru varðandi beina snertingu efnanna við húð og öndun fólks. Flest innihald púðursins kemur frá náttúrulegum auðlindum á borð við laufblöð, blóm, trjá- og ávaxtabörk. Púðrið er vatnsleysanlegt og hefur verið samþykkt af umhverfisstofnunum Evrópusambandsins til notkunar á opnum almenningssvæðum.

Með öðrum orðum, þá er púðrið hvorki hættulegt né skaðlegt en eins og með allt annað er góð hugmynd að vera ekki að fá púðrið mikið í augun og fólk er eðlilega ekkert að mikið að reyna að kyngja slíku púðri.

MUN LITAPÚÐRIÐ SKEMMA FÖTIN EÐA HLAUPASKÓNA? HVAÐ MEÐ HÁRIÐ?

Liturinn fer venjulega með fyrsta þvotti og eins og með margt annað, því fyrr sem þú setur í þvott, því betra. Auðvitað ráðleggjum við þér að vera í fatnaði sem má litast ef út í það er farið.

ERU HREINSISTÖÐVAR VIÐ ENDAMARKIÐ?

Það verða blásarar við endamarkið já, þannig að hlauparar geta blásið af sér mesta púðrið. Þrátt fyrir að þetta er engin þvottastöð þá mun þetta samt auðvelda þér heimferðina.

HVAÐ GERI ÉG TIL AÐ GETA FARIÐ HEIM Í FÍNA BÍLNUM MÍNUM EFTIR HLAUP?

Flestir taka með sér handklæði til að leggja í bílsætin til að koma í veg fyrir að litur smitist í sætisákæði. Þetta er svona eins og að keyra heim af ströndinni í baðfötum en það þekkjum við Íslendingar af mikilli reynslu af slíkum bílferðum.

ER ÓHÆTT AÐ VERA MEÐ SÍMA OG MYNDAVÉLAR Á LOFTI Í GEGNUM LITASTÖÐVARNAR?

Okkar eigin ljósmyndarar eiga ekki í neinum vandræðum með að mynda í 7-15 metra fjarlægð en við ráðleggjum hlaupurum að vera með síma sína í lokuðum vasa eða bara í plastpoka ef þú vilt taka myndir í miðri púðursprengju.

ER HLAUPATÍMI MÆLDUR Í HLAUPINU?

Nei, við tökum ekki tímann hjá þátttakendum. Hlauparar í The Color Run eru gjarnir að taka sér sinn tíma til að njóta augnabliksins í stað þess að bruna í mark til að ná góðum tíma. Það er nóg af öðrum hlaupum í boði til þess.

HVAÐ GERIST EF ÞAÐ VERÐUR VONT VEÐUR?

Smá rigning er í fínasta lagi, gerir bara litina skemmtilegri. Ef það verða meiriháttar veðurviðvaranir daginn sem hlaupið fer fram er rétt að hlauparar fylgist með upplýsingum um hlaupið.

 

HVAÐ EF ÉG ER MEÐ EINHVERJA ROSALEGA GÓÐA SPURNINGU SEM ER EKKI BÚIÐ AÐ SVARA HÉR AÐ OFAN?

Ef þú hefur ekki fundið svar við spurningu þinni biðjum við þig endilega um að senda okkur tölvupóst á island@thecolorrun.com og við svörum um hæl. Ef spurning þín er ótrúlega góð er aldrei að vita nema að hún rati inn á nákvæmlega þessa síðu hér. WOW! Það yrði eitthvað!

Samstarfsaðilar